İsrail Müdafiə Ordusu (SAXAL) Fələstinin radikal HƏMAS hərəkatının Qəzza zolağında hələ də 138 nəfəri girov saxladığını bildirib.
Xəbəri dərc edən mənbə bu barədə SAXAL-ın nümayəndəsi Daniel Haqariyə istinadən məlumat yayıb.
“Qəzzada saxlanılanlar arasında ümumilikdə 20-yə yaxın qadın və uşaq var”, – deyə SAXAL nümayəndəsi əlavə edib.
Xatırladaq ki, HƏMAS və İsrail arasında sonuncu – üçüncü girov mübadiləsi noyabrın 28-də baş tutub. HƏMAS 14 israillini və 3 əcnəbini Beynəlxalq Qızıl Xaç Komitəsinə təhvil verib. İsrail isə öz növbəsində 39 yeniyetmə fələstinli məhbusu azad edib. Bununla da atəşkəsin başlamasından bu vaxta qədər İsrail və HƏMAS-ın əsir mübadiləsi çərçivəsində 26 israilli və 78 fələstinli əsir sərbəst buraxılıb.
Mənbə: The Jerusalem Post
www.102info.az
