Almaniyanın “Leypziq” klubunun baş məşqçisi Dominika Tedesko vəzifəsindən azad edilib.
Belə ki, “Leypziq”in ötən gün Çempionlar Liqasının qrup mərhələsində evdə “Şaxtyor”a 1:4 hesabı uduzması rəhbərliyin səbir kasasını daşırıb.
36 yaşlı mütəxəssislə birlikdə onun köməkçiləri Andreas Hinkel və Maks Urvançiki də “Leypziq”dən göndəriblər.
İkili vətəndaşlığı olan (Almaniya və İtaliya) Tedesko 2021-ci ilin dekabrından Almaniya klubunu çalışdırırdı.
Qeyd edək ki, bu gün “Çelsi” klubu da oxşar addım atıb. Çempionlar Liqasının qrup mərhələsində “Dinamo”ya (Zaqreb, Xorvatiya) 1:0 hesabı ilə uduzduqdan sonra komandanın baş məşqçisi Tomas Tuxel istefaya göndərilib.
Mənbə: “Leypziq” klubunun rəsmi “Twitter” səhifəsi
www.102info.az
