Goranboyda yanğın baş verib.
APA xəbər verir ki, hadisə rayonun Gülməmmədli kəndində qeydə alınıb.
10 hektara yaxın ərazidə qamışlıq sahəsində anidən yanğın başlayıb.
Dərhal əraziyə Fövqəladə Hallar Nazirliyinin Goranboy Rayon Yanğından Mühafizə hissəsinin yanğınsöndürən maşını və canlı qüvvəsi cəlb olunub.
Küləkli hava yanğının söndürülməsində çətinlik yaradır.
Yanğının yaşayış evlərinə keçməməsi üçün yanğınsöndürənlər tərəfində tədbirlər aparılır.
Hadisənin hansı səbəbdən baş verməsi məlum deyil.
www.102info.az
