Nərimanov rayonunda çoxmərtəbəli yaşayış binasında baş vermiş yanğında xəsarət alanların vəziyyəti açıqlanıb.
Bu barədə APA-nın sorğusuna cavab olaraq Kliniki Tibbi Mərkəzin mətbuat xidmətinin rəhbəri Ruzbeh Məmməd məlumat verib.
O bildirib ki, yanğında xəsarət alan və Kliniki Tibbi Mərkəzin Toksikologiya şöbəsində müalicə alan beş nəfərdən dördü evə buraxılıb. Bir nəfərin müalicəsi hələ də mərkəzdə davam etdirilir.
Xatırladaq ki, martın 31-də Nərimanov rayonunda Həsən Əliyev küçəsində 16 mərtəbəli yaşayış binasında baş verən yanğında xəsarət alan və Kliniki Tibbi Mərkəzə hospitalizasiya edilən 23 nəfərdən 18-nə ilkin tibbi yardım göstərilərək evə buraxılmışdı. Qalan beş nəfərin müalicəsi mərkəzin Toksikologiya şöbəsində davam etdirilirdi.
www.102info.az
