Bakı şəhəri, Yasamal rayonu, Çingiz Mustafayev küçəsində yerləşən üçmərtəbəli yaşayış binasında yanğın baş verib.
Bu barədə Fövqəladə Hallar Nazirliyi məlumat yayıb.
Bildirilib ki, məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri yanğın baş verdiyi ünvana cəlb olunub.
Hazırda yanğınsöndürmə işləri davam etdirilir.
Əlavə məlumat veriləcək.
22:51
Bakıda güclü yanğın hadisəsi baş verib.
Oxu.Az xəbər verir ki, bu barədə sosial mediada videogörüntülər yayılıb.
Bildirilib ki, yanğın Mərkəzi Parkda, köhnə “Sovetski” məhəlləsində qeydə alınıb.
Həmin görüntüləri təqdim edirik:
www.102info.az
