Təhsil naziri Emin Əmrullayev ölkədə fəaliyyət göstərən məktəblərdə qeydə alınan neqativ hallarla bağlı danışıb.
Oxu.Az-ın məlumatına görə, nazir bu haqda jurnalistlərə açıqlamasında bildirib.
Onun sözlərinə görə, ölkədə 1 milyon 600 min şagird təhsil alır və hər gün hansısa xoşagəlməz hadisə baş verəcək:
“Bu kimi hallar birmənalı olaraq qəbul edilmir. Hansısa bir hadisədə cinayət varsa, bu işlə hüquq-mühafizə orqanları məşğul olur. Məktəblərdə şagirdlərin tərbiyəsi və davranışı ilə bağlı mütəmadi şəkildə ümumtəhsil müəssisələrinin rəhbərliyi tərəfindən iş aparılmalıdır”.
“Əfsuslar olsun ki, 1 milyon 600 min şagirdi, 200 min müəllimi, 3 milyondan artıq valideyni əhatə edən sistemdə iki nəfər arasında konflikti hər gün müşahidə edəcəyik”, – deyə o əlavə edib.
İlhamə Əbülfət
www.102info.az
