Xarı Bülbül Dünya Azərbaycanlıları Mədəniyyət Assosiasiyasının nəznində Vətən musiqi qrupu 25-28-iyul tarixlərində Polşada keçirilən Podlaski Oktawa Kultur Beynəlxalq festivalında silsiləli şəkildə Azərbaycanı təmsil ediblər.Podlaski Oktawa Kultur beynəlxalq festivalı artıq 16-cı dəfədirki Polşada keçirilir.Festivala Polşa Mədəniyyət Nazirliyi, Podlaski Mədəniyyət Mərkəzi, Polşa Dövlət Televiziyası, Bialistok radiosu və Bialistok Bələdiyyəsi təşkilatçılıq edir.Xarı Bülbül Dünya Azərbaycanlıları Mədəniyyət Asosasiyasının dəstəyi ilə musiqiçilərimiz xanəndə Səfalı Mirzəliyev, tarzən Ruslan Zərbaliyev, kamança ifaçısı Pərviz Fərhadov ,nağarada Səyyar Teymurov 25 iyul tarixindən başlayaraq Polşanın Bialistok, Kleszczele və Stary Folwark şəhərlərində davamlı olaraq konsertlər və master klass dərsləri keçmişdir.Ən böyük konsert isə Bialistok şəhərinin mərkəzi küçəsində baş tutmuşdur.Təxminən 2000 tamaşaçının qarşısında çıxış edən musiqiçilərimiz əvvəlcə onları Polşa dilində salamlamış,onların rəğbətini qazanmışlar. Azərbaycan muğamlarını və musiqilərini Polşalılara sevdirən musiqçilərimizi ayaq üstə alqışlamışlar.Konsertdən sonra onlar birbaşa Polşa Dövlət televiziyasına milli paltarlarında olan Xarı Bülbül ün mənası və Azərbaycan muğamı haqqında ətraflı müsahibə vermişlər və Azərbaycan musiqilərini hətta Polşa radiosunda belə səsləndirmişlər.Festivala musiqiçilərimizi dəstəkləmək üçün Polşadakı Azərbaycan Diasporunun Sədri Sedat Şamillidə qatılmışdır.Sonra musiqiçilərimiz 30-iyul tarixində Krakovda Xarı Bülbül Dünya Azərbaycanlıları Mədəniyyət Assosasiyasının təşkilatçılığı ilə möhtəşəm konsert vermiş, Ali Baş Komandan İlham Əliyev və Güclü Azərbaycan Ordusunun bizə yaşatdığı Qarabağın işğaldan azad olunmasının sevinci İlə Qarabağ mahnısını tamaşaçılar ilə bir yerdə oxumuşlar.Vətən Musiqi qrupunun hər biri üzvü Diplom və qiymətli hədiyyələr ilə təltif edilmişdir.Qeyd edirəmki Respublika və Beynəlxalq müsabiqələr qalibləri olan təmsilçilərimiz, Azərbaycan milli konservatoriyasının və Azərbaycan dövlət mədəniyyət və incəsənət universitetinin müəllimləridirlər.Təmsilçilərimizə uğurlar və yeni-yeni nailiyyətlər arzu edirik.
102info.az
