Kəlbəcər rayonunda Azərbaycan Polisinin yaradılmasının 106-cı ildönümü qeyd edilib

Daxili İşlər Nazirliyi

Kəlbəcər rayonunda Azərbaycan Polisinin yaradılmasının 106-cı ildönümü qeyd edilib.


Polis işçilərinin peşə bayramı günü münasibəti ilə Kəlbəcər Rayon Polis Şöbəsinin rəisi, polis polkovniki Haxverdi Əkbərov, polis heyəti Kəlbəcər rayon İcra Hakimiyyətinin inzibati binasında Ümummilli liderin abidəsi önünə gül dəstələri qoyaraq xatirəsini ehtiramla yad ediblər.
Daha sonra Azərbaycan Respublikasının Dövlət Himni səsləndirilib. Ümumilli lider Heydər Əliyevin və Vətənimizin suverenliyi, ərazi bütövlüyü uğrunda şəhid olanların əziz xatirəsi bir dəqiqəlik sükutla yad edilib.
Giriş sözü ilə Kəlbəcər Rayon Polis Şöbəsinin rəisi, polis polkovniki Haxverdi Əkbərov çıxış edərək Xalqımızın Ümummilli Lideri Heydər Əliyevin 1998-ci ildə imzaladığı Fərmanla 2 iyulun Azərbaycan Polisi Günü elan olunduğunu qeyd etmişdir. Ümummilli Lider böyük uzaqgörənliklə daxili işlər orqanlarının təşkilati və ideoloji cəhətdən möhkəmlənməsi, sıralarının saflaşdırılması, peşəkar kadrların irəli çəkilməsi ilə bağlı mühüm qərarlar qəbul etmişdir.
Daha sonra Kəlbəcər Rayon Polis Şöbəsinin rəisinin Şəxsi Heyətlə İş üzrə Köməkçisi polis mayoru Eyyub Hüseynov və veteran polis Yelmar Quliyev çıxış edərək Azərbaycan Polisinini zaman-zaman keçdiyi çətin və şərəfli yoldan geniş bəhs etmişlər.
Kəlbəcər rayon İcra Hakimiyyətinin başçısı Azər Qocayev öz çıxışında Azərbaycan Polisinin tarixinə nəzər salaraq, bu gün Azərbaycan Respublikasının Prezidenti İlham Əliyevin diqqət və qayğısı sayəsində Azərbaycan Polisinin güclü maddi-texniki bazası olması, ictimai asayişin, qanunçuluğun və hüquq qaydasının qorunması üzrə dəqiq təşkil edilmiş sistemi və peşəkar kadr korpusu olan vahid mərkəzləşdirilmiş hüquq-mühafizə orqanı olmasını qeyd etmişdir. Prezident İlham Əliyevin diqqət və qayğısı sayəsində davam edən bu inkişaf və modernləşmə vətəndaşlarımızın qanunla qorunan hüquq və mənafelərini etibarlı müdafiə etməyə, cinayətkarlığa, onun transmilli mütəşəkkil növlərinə qarşı mübarizədə adekvat cavab tədbirləri görməyə tam imkan verir.
Kəlbəcər RİH başçısı Azər Qocayev və Kəlbəcər rayon İcra Hakimiyyətinin kollektivi, Azərbaycan Respublikasının Daxili İşlər Naziri Cənab Vilayət Eyvazov başda olmaqla, bütün polis işçilərini peşə bayramları münasibətilə təbrik edir, dövətimizin sabitliyinin, insanların həyat və sağlamlığının, hüquq və azadlıqlarının qorunması işində Azərbaycan polisinə uğurlar arzulayıblar.
Qeyd edək ki, ictimai asayişin və təhlükəsizliyin təmin edilməsi ilə bağlı xidməti vəzifələrini yerinə yetirməkdə fərqləndiyinə görə Kəlbəcər Rayon Polis Şöbəsinin rəisi polis polkovniki Haxverdi Əkbərov və bir qrup polis əməkdaşları Kəlbəcər RİH başçısının Fəxri Fərmanı ilə təltif edilmişlər.

102info.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir