Goranboyda sel suları fəsadlara səbəb olub

Cəmiyyət




Goranboyda sel suları bir sıra fəsadlara yol açıb.

APA-nın yerli bürosunun məlumatına görə, bir neçə gündür yağan leysan nəticəsində Gorançayın Qaraçay qolunda və İncəçay çayında suyun səviyyəsi artıb, yaranan sel suları Goranboy rayonunun Tatarlı, Səfikürd, Xan Qərvənd və Əlirzalı kəndləri ərazisində əkin sahələrinə, fərdi təsərrüfatlara ziyan vurub.

Goranboy Rayon İcra Hakimiyyətinin (RİH) başçısı Məhərrəm Quliyev, məsul şəxslər və xidmət sahələrinin rəhbərləri selin fəsad yaratdığı ərazilərdə vəziyyətlə yerində tanış olublar.

RİH yanında Fövqəladə Hallar Komissiyası tərəfindən müvafiq texnikalar əraziyə cəlb edilməklə sel sularının əhalinin yaşadığı əraziyə keçməsinin qarşısı alınıb. Hazırda fəsadların aradan qaldırılması istiqamətində işlər davam etdirilir.

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir