İranlı narkobaronların ölkə daxilindəki
havadarlarına qarşı əməliyyatlar keçirilib
36 nəfər saxlanılıb, 114 kiloqram narkotik vasitə qanunsuz dövriyyədən çıxarılıb
“Pünhan”, “Baba”,“Peyman”, “Araz” və s… şərti adları altında İran İslam Respublikasından qaçaqmalçılıq yolu ilə ölkəmizə külli miqdarda narkotik vasitələr göndərən, sosial şəbəkələrdə gəncləri şirnikləndirici vədlərlə narkokuryerliyə cəlb edən mütəşəkkil cinayət dəstənin üzvləri saxlanılıblar. Daxili İşlər Nazirliyi Baş Narkotiklərlə Mübarizə İdarəsi tərəfindən son 20 gündə paytaxt və bölgələrdə keçirilən silsilə əməliyyatlar zamanı qeyd edilən qanunsuz fəaliyyətlə məşğul olan ümumilikdə 36 nəfər saxlanılıb, qanunsuz dövriyyədən 114 kiloqram müxtəlif xassəli narkotik vasitə, psixotrop maddə, elektron tərəzilər və 3 min ədəd ekstazi və metadon həbi çıxarılıb. İranda yaşayan şəxsiyyəti istintaqla müəyyən edilməyən yuxarıda qeyd edilən şərti adlar altında pərdələnən narkobaronların ölkə daxilindəki bəzi havadarlarının saxlanılmasının əməliyyat görüntülərini təqdim edirik.
TİTR: Şahin Salarov, İranlı narkobaronların şəbəkəsinə daxil olan şəxs,
Qaradağ rayonu, Şonqar qəsəbəsi, saat 00:22
Saxlanılan zaman ondan 9 kiloqram narkotik vasitə aşkar edilib
TİTR: Rəşad Mehdiyev, İranlı narkobaronların şəbəkəsinə daxil olan şəxs,
Abşeron rayonu, Saray qəsəbəsi , saat 05:20
Saxlanılan zaman ondan 7 kiloqram narkotik vasitə aşkar edilib
TİTR: Vasif Əliyarov İranlı narkobaronların şəbəkəsinə daxil olan şəxs,
Qaradağ rayonu, Puta qəsəbəsi, saat 21:55
Saxlanılan zaman ondan 5 kiloqram narkotik vasitə aşkar edilib
TİTR: Ənvər Kəngərli, İranlı narkobaronların şəbəkəsinə daxil olan şəxs,
Yasamal rayonu, Yeni Yasamal qəsəbəsi, saat 00:20
Saxlanılan zaman ondan 3 kiloqram narkotik vasitə aşkar edilib
TİTR: Səbuhi Ağayev, İranlı narkobaronların şəbəkəsinə daxil olan şəxs,
Abşeron rayonu, Masazır qəsəbəsi, saat 21:15
Saxlanılan zaman ondan 6 kiloqram narkotik vasitə aşkar edilib
Qeyd edilən şəxslərlə bərabər narkotik vasitələrin satışı və qanunsuz dövriyyəsi ilə məşğul olan əlavə 30 nəfər də saxlanılaraq istintaqa təqdim ediliblər. Onlardan Pənah Quliyev, Ceyhun Abdullayev, Anar Əsgərli, Kamran Nəzərli, Xəyal Xəlilov, Kənan və Kamran Aslanov qardaşları ölkə ərazisində narkotiklərin əsas tədarükçülərindən olublar.
Faktlarla bağlı Cinayət Məcəlləsinin müvafiq maddələri ilə cinayət işləri başlanılıb. Saxlanılanlar barəsində həbs qətimkan tədbiri seçilib. Bu şəxslərin daxil olduqları narkoşəbəkənin ölkə daxilində və xaricindəki digər üzvlərinin saxlanılması istiqamətində əməliyyat tədbirləri davam etdirilir.
www.102info.az
