“Bakı” və “Azəryol” Azərbaycan çempionu oldular – FOTO

İdman

Qadınların ardınca kişi həndbolçuların da ölkə çempionatına yekun vurulub. Çempionluğu vaxtından əvvəl təmin edən “Bakı” son turda “Məhsul”a 30:26 hesabı ilə qalib gəlib. U-18 İdman Akademiyası komandası “Təhsil”i məğlub edib – 34:23. U-16 – ”Gənclər Birliyi” matçında isə qələbə imkanları yüksək qiymətləndirilən U-16 kollektivi etimadı doğruldub – 44:32.

Beləliklə, “Bakı” aktivinə 18-ci xalı yazdırıb. İkinci pillədəki “Təhsil” çempionatı 13 xalla başa vurub. U-16 və U-18 İdman Akademiyası hərəyə 11 xal toplasa da, şəxsi oyunlarda rəqibini üstələyən U-16 bürünc medallara sahib çıxıb.

Dövlət himninin səsləndirilməsi ilə başlanan bağlanış mərasimində Azərbaycan Həndbol Federasiyasının prezidenti Saleh Məmmədovun salamlarını çatdıran federasiyanın vitse-prezidenti Orxan Abbasov builki çempionatın böyük rəqabətlə yadda qalacağını vurğulayıb.
 
Çıxışında komanda sayının artırılmasını müsbət hal kimi qiymətləndirən gənclər və idman naziri Fərid Qayıbov, həndbolda yaranan canlanmanın, azarkeş marağının daha da artacağına ümid bəslədiyini bildirib. Nazir, həndbolçulara qarşıdakı beynəlxalq yarışlarda, xüsusilə İslam oyunlarında uğurlar arzulayıb. 

Ardınca fərqlənən komandalar mükafatlandırılıb. Qadınlardan ibarət komandalardan “Azəryol”, “Qarabağ” və “İdman Akademiyası”, kişilərdən ibarət komandalardan isə “Bakı”, “Təhsil” və U-16-ya müvafiq olaraq qızıl, gümüş və bürünc medallar, həmçinin, fəxri diplom və hədiyyələr təqdim olunub. 

U-18 İdman Akademiyası komandasının üzvü Royal Əliyevlə “Azəryol”un həndbolçusu Kamilə Bayramova çempionatın ən yaxşı oyunçuları üçün nəzərdə tutulan mükafata layiq görülüb. 
Xatırladaq ki, martın 20-də start verilən çempionatda 4 qadın, 6 kişi komandası mübarizə aparıb.

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir