Futbol üzrə Azərbaycan Premyer Liqasında XXIII turun daha bir oyunu keçirilib.
Çempionatın lideri “Qarabağ” “Şamaxı”nı qəbul edib. “Azersun Arena”dakı qarşılaşma “köhlən atlar”ın 8:0 hesablı qələbəsi ilə başa çatıb. Bu, hələlik cari mövsümün ən böyük hesablı qalibiyyəti olub.
Bu qələbədən sonra xallarını 55-ə çatdıran “Qarabağ” liderliyini möhkəmləndirib. 20 xalı olan “Şamaxı” isə 6-cı sırada qərarlaşıb.
Qeyd edək ki, “Şamaxı” klubunun baş məşqçisi Sənan Qurbanov matçdan sonra keçirilən mətbuat konfransında istefa verdiyini açıqlayıb.
O bildirib ki, acı məğlubiyyətdən sonra rəhbərliklə danışıb: “Gələcək oyunlarda komandaya uğurlar arzu edirəm. Burada kubok qazandım, yaxşı günlərimiz oldu. Amma bu cür məğlubiyyətin ardından qalmaq mümkün deyil”.
www.102info.az
