Almaniya Bundesliqasının 28-ci turunda Dortmund “Borussiya”sı evində “Leypziq”i qəbul edib.
Qarşılaşmaya fəal başlayan qonaqlar 21-ci dəqiqədə K.Laymerin qolu ilə hesabı açıb. 30-cu dəqiqədə futbolçu özünün və komandasının ikinci qolunu vurub.
İkinci hissədə hücumlarının kəsərini bir qədər də artdıran “Leypziq” 58-ci dəqiqədə Nkunkunun qolu ilə fərqi üç topa yüksəldib.
Meydan sahibləri 84-cü dəqiqədə D.Malenin qolu ilə hesabı 1-3-ə çatdırsa da, oyunda son nöqtəni də qonaqlar qoyub. D.Olma 86-cı dəqiqədə qonaqların dördüncü topunu “Borussiya”nın qapısından keçirib.
Qeyd edək ki, 28 turdan sonra aktivində 57 xal olan “Borussiya” turnir cədvəlində ikinci, 48 xalı olan Leypziq” isə dördüncü pillədə qərarlaşıb.
www.102info.az
