Amerikalı rejissor Ceyn Kempionun “İtin hakimiyyəti” (“The Power of the Dog”) BAFTA-nın (Britaniya Kino və Televiziya Sənəti Akademiyası) “Ən yaxşı film” nominasiyasını qazanıb.
The Power of the Dog winning Best Film at the BAFTAs 1/2
It’s truly beautiful to see the cast and crew get up and walk to the stage together to the score of the film ❤️?#ThePowerOfTheDog pic.twitter.com/91JSOR6DW2
— tree-leaves-blue (@treeleavesblue1) March 13, 2022
Film Amerika yazıçısı Tomas Sevicin 1967-ci ildə yazdığı eyniadlı romanı əsasında çəkilib. Film 1920-ci illərdən bəhs edir. Fil və Corc qardaşları Montananın ən böyük fermasının sahibidirlər. Qohum olmalarına və birlikdə iş görmələrinə baxmayaraq, onların ortaq cəhətləri çox azdır: Fil kobuddur, çimməyi sevmir və zəifləri alçaltmaq fürsətini əldən vermir, Corc isə sakit, nəzakətlidir və sakitcə iş görməyə üstünlük verir. Corc yeniyetmə oğlu olan yerli dul qadın Rouzla evlənəndə Fil bununla heç cür barışa bilmir.
Filmdə Benedikt Kamberbetç, Kirsten Danst və Cessi Plemons çəkiliblər.
Qeyd edək ki, Kamberbetç sözügedən filmin çəkilişi zamanı dəfələrlə nikotindən zəhərlənib. Filmdə amerikalı fermer rolunu oynamağın çətinliyindən danışan artist etiraf edib ki, xarakterə tam girmək üçün dəfələrlə filtrsiz, əl ilə bükülmüş siqaretləri çəkməli olub.
“Mən üç dəfə nikotinlə zəhərlənmişəm. Həqiqətən, çox siqaret çəkmək məcburiyyətində olmaq dəhşətlidir”, – deyə aktyor izah edib.
Benedict Cumberbatch is “a master at everything he touches” as Phil Burbank in #ThePowerOfTheDog. Watch now on Netflix. pic.twitter.com/wNH2HgjzU6
— The Power Of The Dog (@TPOTD) January 8, 2022
Xatırladaq ki, bundan əvvəl “İtin hakimiyyəti” dram filmi nominasiyasında “Qızıl Qlobus” mükafatını qazanmışdı.
Mənbə: RİA Novosti
www.102info.az
