Cəlilabadda məktəbdə hündürlükdən yıxılan şagird komadan ayılıb

Cəmiyyət

Cəlilabad rayonunda məktəbdə hündürlükdən yıxılaraq komaya düşən şagird ayılıb.

Bu barədə “Report”un Muğan bürosuna Cəlilabad Rayon Mərkəzi Xəstəxanasının direktoru Elnur Azadxanov məlumat verib.

E.Azadxanov bildirib ki, xəstəxanaya koma vəziyyətində gətirilən 13 yaşlı Əli Qasımovu həyata qaytarmaq üçün həkimlər bütün səy və bacarıqlarını ortaya qoyublar:

“7 gün əvvəl hündürlükdən yıxılan 13 yaşlı Əlini ağır vəziyyətdə süni tənəffüs cihazına bağladıq. İntubasiya etdiyimizdə tam huşsuz vəziyyətdə olan məktəblini həyata qaytarmaq üçün ümidsiz olaraq mücadiləyə başlasaq da, bir saniyə boş buraxmadıq. Reanimasiya şöbəmizin bütün komandası gecə-gündüz yorulmadan çalışdı. Diaqnoz da kifayət qədər ağır idi – ağır kəllə-beyin travması, beyin əzilməsi və sol ağciyərin kontuziyası. Bütün bunlara baxmayaraq biz bacardıq”.

Qeyd edək ki, martın 10-da Cəlilabad şəhər 2 nömrəli məktəbin idman zalında 6-cı sinif şagirdi, 2009-cu il təvəllüdlü Qasımov Əli Təyyar oğlu hündürlükdən yıxılıb. Ağır xəsarətlər alan şagird huşsuz vəziyyətdə Cəlilabad Rayon Mərkəzi Xəstəxanasına çatdırılıb.

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir