BMT TŞ Ukrayna ilə bağlı qətnaməni qəbul etmədi

Dünya

BMT Təhlükəsizlik Şurası Rusiya Federasiyasının Ukraynadakı vəziyyətlə bağlı qətnamə layihəsini dəstəkləməyib.

Rusiya və Çin layihənin lehinə səs verib.

Təhlükəsizlik Şurasının heç bir üzvü sənədin əleyhinə səs verməyib. TŞ-nin digər 13 üzvü (Fransa, Böyük Britaniya, ABŞ, Hindistan, İrlandiya, Keniya, Meksika, Norveç, Albaniya, Braziliya, Qabon, Qana, BƏƏ) bitərəf qalıb.

Qətnamə qəbul edilməsi üçün daimi üzvlərdən heç birinin veto hüququndan istifadə etməməsi şərti ilə BMT Təhlükəsizlik Şurasının 15 üzvündən ən azı doqquzu (beşi daimi və on qeyri-daimi) tərəfindən dəstəklənməlidir.

Qeyd edək ki, sənəddə bütün tərəflərə mülki əhalinin müdafiəsini təmin etmək və mülki obyektlərə hücum etməmək çağırışı öz əksini tapıb. Həmçinin, qətnamə layihəsində BMT-nin humanitar işlərinin maliyyələşdirilməsinin təmin edilməsinin zəruriliyi qeyd edilib.

Mənbə: TASS

www.102info.az

Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir